Ráðgjöf

Ráðgjöf

Rannsóknarþjónustan Sýni býður upp á ýmsa ráðgjöf, sem tengist starfsemi matvæla-og fóðurfyrirtækja. Sérstök áhersla hefur verið lögð á gæðamál, en aðstoð við tæknilegar úrlausnir vandamála er vaxandi þáttur. Hér á eftir eru nokkur dæmi um þá ráðgjöf sem verið er að veita:

Uppsetning innra eftirlits

Aðstoð við uppsetningu á innra eftirlitskerfi byggðu á aðferðum GÁMES (HACCP). Áhersla er lögð á einföld kerfi og virkan þátt starfsmanna.

Sannprófun gæðakerfa

Til þess að innra eftirlitskerfi sé virkt, þarf stöðugt að aðlaga það breyttum aðstæðum. Boðið er upp á innri úttektir og aðstoð við sannprófanir gæðakerfa.

Hreinlætiseftirlit

Reglulegt hreinlætiseftirlit er mikilvægt til að meta umgengni og þrif. Sýni býður upp á reglulegar heimsóknir þar sem þrif eru metin með sjónmati, Rodac skálum og ATP mælingum. Þá er veitt ráðgjöf um úrbætur.

Umbúðamerkingar

Aðstoð við umbúðamerkingar fyrir evrópskan eða bandarískan markað.

Vöruþróun

Aðstoð við tæknilegar úrlausnir í vöruþróun.

Önnur ráðgjöf

Boðið er upp á ýmsa ráðgjöf, t.d. um lög og reglugerðir og aðstoð við úrlausn ýmissa vandamála sem upp koma í matvælafyrirtækjum.

Sérstök þjónusta við fiskiðnað

Sjáum um sýnatöku á hráefnum og afurðum, ís, vatni og sjó. Sjáum einnig um sýnatöku vegna viðmiðunarsýna með Rodac skálum og strokpinnum.